Convocatoria de subvencións, en réxime de concorrencia competitiva, cuxa finalidade é promover o deporte feminino a través do apoio económico ás entidades deportivas da cidade de Vigo que fomenten a participación e promoción das nenas e mulleres nas distintas disciplinas deportivas (equipos e/ou individuais), contribuíndo ao financiamento dos gastos ocasionados polo seu funcionamento e a súa actividade deportiva na tempada 2021/2022, ou do ano 2022 no caso das modalidades cuxa tempada sexa anual.

Clubs deportivos, asociacións e agrupacións deportivas e entidades deportivas con personalidade xurídica propia que teñan a súa sede social ou delegación no termo municipal de Vigo, carezan de ánimo de lucro, conten cun mínimo de 10 licenzas femininas na tempada 2021/2022 ou do ano 2022 no caso das modalidades cuxa tempada deportiva sexa anual ou, ao menos, 1 licenza feminina de deporte adaptado e cumpran os demais requisitos que establecen as bases e convocatoria.

• (SDF2022) Anexo I. Solicitude
• Proxecto das actividades que realiza a entidade na tempada de referencia
  facendo especial fincapé nos aspectos cuantitativos e cualitativos da promoción do deporte feminino
• (SDF2022) Anexo II. Certificado das competicións e categorías nas que participan as deportistas
• (SDF2022) Anexo III. Orzamento equilibrado de ingresos e gastos
• (SDF2022) Anexo IV. Declaración responsable
• (SDF2022) Anexo V. Certificado composición da Xunta directiva
• Certificado emitido pola Federación da modalidade
  no que conste o núm. de licenzas por categoría e sexo na tempada de referencia
• CIF da entidade solicitante
• Certificación bancaria
  actualizada onde conste número de conta e titularidade ( expedida cunha antigüidade inferior a 6 meses)
• DNI da/o presidenta/e da entidade
• Documentación a presentar en caso de concedérselle a subvención e no momento da xustificación:
  • (SDF2022) Anexo VI. Solicitude de pagamento
  • (SDF2022) Anexo VII. Memoria económica xustificativa

Gastos subvencionables e importe máximo da axuda:

Serán gastos subvencionables os que de xeito indubidable correspondan ao funcionamento da entidade solicitante e sexan ocasionados pola actividade propia de esta, así como os motivados pola participación ou organización de actividades deportivas dos equipos con licenzas femininas.

O importe total máximo destinado a estas subvencións distribuirase entre todas as entidades que reúnan os requisitos esixidos. Establécese unha contía máxima de 1.500 € e unha contía mínima de 200 €, quedando excluídas as entidades que, trala baremación das solicitudes, non consigan unha axuda por importe igual ou superior a 200€.

• Servizo de igualdade

  Casa do Concello. 1º andar. Praza do Rei número 2, 36202 Vigo

  Teléfono: 986 810 284

  Correo electrónico: ofi.muller@vigo.org