Mediante este trámite as persoas interesadas poñen en coñecemento da administración pública competente os seus datos de identificación e demais requisitos esixibles para o exercicio dun dereito ou inicio dunha actividade, consonte co establecido no artigo 69.1 da Lei 39/2015 do Procedemento Administrativo Común das Administracións públicas.

Baixo a súa responsabilidade, poderá iniciar a actividade desde a data indicada na solicitude.

Calquera persoa física ou xurídica que vaia a abrir un establecemento cunha capacidade igual ou inferior a 500 persoas no que se desenvolvan actividades recreativas ou espectáculos públicos, excepto aquelas cuxa normativa específica exixa a concesión de licenza ou autorización.

As actividades recreativas ou espectáculos públicos son as establecidas no “Catálogo de espectáculos públicos e actividades recreativas da Comunidade Autónoma de Galicia”

• Impreso de solicitude de declaración responsable de apertura de establecemento para actividade recreativa (AR-001)
• Autoliquidación de taxas de licenza de actividades e instalacións
• Datos identificativos da persoa solicitante
  • Persoas físicas
    DNI (ou documento que faga as súas veces) da solicitante e da representante. As persoas que comparezan ou asinen en representación doutra, acompañarán ademais un documento que acredite debidamente devandita representación (autorización expresa, poder notarial ou declaración responsable).
  • Persoas xurídicas
    1. DNI (ou documento que faga as súas veces) da persoa representante e documentación acreditativa da representación. 2. Escritura ou documento de constitución e/ou Estatutos ou o acto fundacional, nos que consten as normas polas que se regula a súa actividade, debidamente inscritos, no seu caso, no Rexistro público que corresponda, segundo o tipo de persoa xurídica de que se trate.
• Se no local realizáronse obras de adaptación previas ao desenvolvemento da actividade (con licenza ou comunicación previa)
  • Certificación de fin de obra das obras e das instalacións, asinada polo/a técnico/a director/a das obras
  • Documento acreditativo da dispoñibilidade do local
    (contrato de arrendamento ou escritura de compra, etc.), para o caso de que o titular de actividade é distinto o solicitante da obra.
  • Reportaxe fotográfica do local
    Fachadas e interior do local, subscrita polo solicitante e polo técnico redactor do proxecto
  • Póliza de seguro de responsabilidade civil obrigatorio e o recibo de pagamento das primas correspondentes ao período do seguro en curso ou a copia destes
    (para o caso de que o titular de actividade é distinto o solicitante da obra)
  • Informe do illamento acústico conseguido no local
    De acordo co disposto no artigo 11 do DECRETO 106/2015, do 9 de xullo, sobre contaminación acústica de Galicia, que deberá completarse co disposto no artigo 15 da Ordenanza municipal de protección do medio contra a contaminación acústica producida pola emisión de ruídos e vibracións
• Se non son precisas obras de acondicionamento para o desenvolvemento da actividade
  • Documento acreditativo da dispoñibilidade do local
    Contrato de arrendamento ou escritura de compra, etc.
  • Planos de situación e localización do local
    No que se pretende a actividade, a escala mínima 1:2000 e 1:500 respectivamente, asinado por técnico competente.
  • Proxecto técnico e a documentación técnica que resulte exixible segundo a natureza da actividade
    asinados por persoa técnica competente, co contido mínimo establecido no anexo 3 da Ordenanza municipal reguladora da tramitación das licenzas urbanísticas e outras formas de intervención administrativa.
  • Declaración responsable (ou certificado colexial) de técnico competente
    No que figuren os seus datos persoais e profesionais de xeito que permita a súa identificación e na que se acredite que non está inhabilitado ou incurso en causa de incompatibilidade
  • Póliza de seguro de responsabilidade civil obrigatorio e o recibo de pagamento das primas correspondentes ao período do seguro en curso ou a copia destes
    Segundo o previsto na normativa en materia de espectáculos públicos e actividades recreativas de Galicia, e o recibo de pagamento das primas correspondentes ao período do seguro en curso ou a copia destes
  • Autorización,o informe ou a declaración ambiental que proceda
    

    Se fora o caso

  • Responsable da execución do proxecto de actividade
    Documento acreditativo asinado pola persoa interesada da designación da persoa física ou xurídica que debe asumir a responsabilidade técnica da execución do proxecto e que debe expedir a certificación que acredite a adecuación do espectáculo público ou da actividade recreativa aos requisitos exixibles.
  • Informe do illamento acústico conseguido no local
    De acordo co disposto no artigo 11 do DECRETO 106/2015, do 9 de xullo, sobre contaminación acústica de Galicia, que deberá completarse co disposto no artigo 15 da Ordenanza municipal de protección do medio contra a contaminación acústica producida pola emisión de ruídos e vibracións
  • Certificado, a acta ou o informe de conformidade emitido polas entidades de certificación de conformidade municipal reguladas na Lei 9/2013, do 19 de decembro, do emprendemento e da competitividade económica de Galicia. (Se fora o caso)

A declaración responsable presentada cumprindo os requisitos habilita para a apertura do establecemento desde a súa presentación, sen prexuízo das facultades de comprobación, control e inspección atribuídas á Administración.

Non é unha autorización administrativa para exercer unha actividade senón un medio para que a administración coñeza a existencia da dita actividade e posibilitar o control posterior, distinto da facultade de inspección ordinaria, mediante as oportunas actuacións administrativas. O control municipal prodúcese con posterioridade ao inicio da actividade. A existencia de inexactitudes, falsidades ou deficiencias no local determinará a imposibilidade de continuar co exercicio da actividade

• Xerencia Municipal de Urbanismo

  Praza do Rei s/n

  Teléfono: 986 810 320

  Horario: De 9:00 a 13:30 horas.

• Ordenanza municipal reguladora da tramitación das licenzas urbanísticas e outras formas de intervención administrativa

• CP-002 Comunicación previa de obras de adaptación de locais para actividades
• CP-003 Comunicación previa de cambio de titularidade da actividade
• AR-002 Licenza de apertura dun establecemento destinado a unha actividade recreativa ou espectáculos, públicos cunha capacidade superior a 500 persoas que precisa obras de adaptación
• AR-003 Licenza de apertura dun establecemento destinado a unha actividade recreativa ou espectáculos, públicos cunha capacidade superior a 500 persoas e Licenza de obra nova, ampliación ou reestruturación xeral