A celebración de festas e eventos populares, na medida que comportan unha ocupación especial e temporal das vías ou espazos públicos de titularidade municipal afectados polo evento, require da preceptiva autorización da Administración.

Este réxime de control intensifícase cando o acto de ocupación comporta a celebración de espectáculos e actividades extraordinarias, especialmente as que requiran da instalación de escenarios e estruturas móbiles.

Calquera persoa xurídica.

A solicitude e documentación requirida debe ser presentada no Concello de Vigo 21 días hábiles antes do inicio do evento.

• Memoria xustificativa
  Na que se indique o tipo de evento e aforo estimado, duración temporal do evento, indicando o periodo de montaxe e desmontaxe, plano da ocupación coas medidas máis significativas ou plano de percorrido no seu caso.
• Declaración xurada do promotor do evento
• No caso de montaxe de instalacións portátiles ou desmontables, camións escenario e atraccións itinerantes de feira:
  • Declaración responsable para a montaxe e posta en funcionamento de instalacións desmontables
• No caso de montaxe de postos de venda e venda de alimentos:
  • Declaración responsable para a montaxe de postos de venda, casetas de feira, postos de comida e "foodtrucks", quioscos ou pequenas carpas

Todo aproveitamento na vía publica esta suxeito ás correspondentes taxas salvo os eventos que sexan eximidos das mesmas por parte da concellería competente. O importe das taxas serán remitidas pola Administración de Tributos en aplicación da ordenanza fiscal reguladora en función do tipo de evento, ocupación solicitada, duración e categoría de vía. O xustificante do pago das taxas terá que ser remitido á Área de Seguridade e Movilidade xunto co resto de documentación esixida para proceder á autorización do evento.

Os eventos na vía pública están suxeitos a unha Declaración Xurada do promotor do evento e Declaración Responsables da propiedade de cada instalación desmontable existente no evento. Estes documentos deben se remitidos ao Concello de Vigo antes da celebración do evento xunto co Plan de Autoprotección ou Plan de Emerxencia no seu caso.

• Rexistro Xeral Concello de Vigo
  Praza do Rei 1
  36202 - Vigo

  Horario: De luns a venres de 9:00 a 13:30 horas

• Seguridade e Mobilidade Concello de Vigo
  Praza do Rei 1 - Sótano 1
  Teléfono: 986 810 291 ; 986 810 121

  Horario: De 9:00 a 13:30 horas.

• Requisitos para a tramitación de eventos e festas populares