Poderán concorrer a esta convocatoria pública as asociacións veciñais, culturais, sindicais, sociais, deportivas, comunidades de montes e entidades empresariais, sen ánimo de lucro, que en función do programa deberán estar inscritas con anterioridade ao inicio do prazo de presentación de solicitudes á presente convocatoria, nos epígrafes que a continuación se relacionan do Rexistro Municipal de Asociacións (RMA), que fomenten o emprego, o asociacionismo e a participación cidadá e teñan como ámbito de actuación o termo municipal de Vigo, e cuxas actividades complementen competencias municipais, mediante a realización de programas de actividades relacionadas co emprego, a cultura, a asistencia, o lecer, o deporte e a mellora da empregabilidade que serven para reforzar os servizos que, neste ámbito, presta o Concello de Vigo.

• Programa I: "Entidades veciñais e culturais" - Epígrafes 10.1 e 10.5.

• Programa II: "Entidades sociais e asistenciais" - Epígrafes 1, 2, 4.1 e 9.1.

• Programa III: "Organizacións sindicais" - Epígrafe 5.1

• Programa IV: "Entidades empresariais” - Epígrafes 5.2

• Programa V: "Comunidades de Montes" - Epígrafe 10.7

• Programa VI: "Entidades deportivas" - Epígrafes 3.0.0, 3.1.1 e 3.1.2

Prazo de presentación de solicitudes do 2 ao 15 de xuño de 2026.

• (SFESL2026) Anexo I: Solicitude asinada electronicamente.
• (SFESL2026) Anexo II: Declaración responsable de cumprimento dos requisitos asinada electronicamente.
• (SFESL2026) Anexo III: Declaración responsable das axudas solicitadas e/ou concedidas
• (SFESL2026) Anexo IV: Autorización expresa para a consulta e verificación de datos polo Concello de Vigo para comprobar se o/a solicitante ten ou non débedas coa AEAT, Tesourería da Seguridade Social, a Axencia Tributaria de Galicia e Concello de Vigo. No caso de non querer achegar este Anexo ou de non estar debidamente cuberto, o solicitante terá que achegar as Certificacións de estar ao corrente coas obrigas tributarias e fronte a Seguridade Social, vixentes de conformidade co art. 23.3 RLXS, de xeito que, de ter presentados os certificados requiridos no Concello de Vigo cunha antigüidade inferior a seis meses, non será esixible a súa presentación, sempre que se indique o número de expediente no que obran.
• (SFESL2026) Anexo V: Proxecto de contratacións a realizar asinado electronicamente. Para evitar erros usar Adobe Acrobat para cumprimentalo.
• Certificado composición da Xunta Directiva
  Certificación asinada polo/a secretario/a ou persoa habilitada para o efecto pola entidade na que se indique a composición da xunta directiva na data de publicación da convocatoria (cargo, nome, apelidos e DNI), xunto co compromiso de comunicar, nun prazo máximo de dez días hábiles seguintes, calquera modificación que se produza na composición do dito órgano con posterioridade á presentación da solicitude de subvención, e na que conste e na que conste o nº de socios e se a entidade solicitante ten estrutura suficiente para garantir o cumprimento dos obxectivos propostos, así como, a experiencia e capacidade necesarias para acadalos.
• Documentación complementaria
  Calquera outra comunicación de modificación ou actualización de datos da entidade que consideren relevante (declaración de utilidade pública, honras, distincións...), podendo, así mesmo, acompañar os elementos que estimen convenientes para completar os datos dos modelos, que serán tidos en conta á hora de estudar e avaliar as solicitudes.
• (SFESL2026) Anexo VI: Oferta de emprego asinada electronicamente.
• (SFESL2026) Anexo VII: Cartel Dispoñible tamén para descargar en .odg
• (SFESL2026) Anexo VIII: Declaración responsable de xustificación da subvención
• (SFESL2026) Anexo IX: Memoria de actividades realizadas
• (SFESL2026) Anexo X: Memoria económica

• Desenvolvemento local e emprego Concello de Vigo
  Praza do Rei 1, 4ª Planta
  Teléfono: 986 810 304 ; 986 810 232

  Horario: De 9:00 a 13:30 horas.

• Bases reguladoras Documentación na páxina de Convocatorias e subvencións