Terán a consideración de canalizacións todas as aperturas de solo ou pavimento que tendo carácter lineal, as súas características superen os máximos establecidos para as calas. O carácter lineal virá dado polo feito de que a lonxitude da apertura de solo ou pavimento sexa como mínimo dez veces maior que a da súa anchura.

A efectos desta Ordenanza entenderanse incluidas nas canalizacións que afecten á calzada, non só a principal, senón as secundarias que a leven ata o bordo da beirarrúa necesarias para dar servizo a todos os futuros usuarios.

En consecuencia, e a estes efectos, as licenzas para acometidas comprenderán só aquélas que se executen en beirarrúas.

Calquera persoa ou entidade.

• Memoria
  A memoria, subscrita por técnico competente, deberá referirse en todo caso aos seguintes aspectos: a) Descrición das obras a realizar. b) Relación de materiais a empregar. c) Localización exacta da beirarrúa ou calzada da obra. d) Se se prevé actuar sobre cruzamentos de rúas, indicación dos mesmos, datas e duración prevista. e) Duración estimada da obra. f) Ocupacións adicionais que se prevean con contedores de escombros, casetas de obras ou similares, debidamente superficiadas. g) Plan de sinalización e balizamento da obra de acordo co previsto no anexo desta ordenanza.
• Plano de situación
  Plano en formato A4 ou A3 sobre a cartografía municipal, subscrito por técnico competente.
• Planos parciais de planta, E1:500
  Plano en formato A4 ou A3 sobre a cartografía municipal, subscrito por técnico competente.
• Planos de planta E: 1/2000
  Plano en formato A4 ou A3 sobre a cartografía municipal, subscrito por técnico competente, no caso de que fose máis de un os planos do punto anterior.
• Planos do perfil lonxitudinal EH1:1000 EV1:100. Seccións tipo.
  Plano en formato A4 ou A3 sobre a cartografía municipal, subscrito por técnico competente, no caso de obras de saneamento.
• Planos de detalle da obra
  Plano en formato A4 ou A3 sobre a cartografía municipal, subscrito por técnico competente.
• Plano dos servizos afectados
  Plano en formato A4 ou A3 sobre a cartografía municipal, subscrito por técnico competente.
• Orzamento de execución material
  Subscrito por técnico competente.
• Estudo de Seguridade e Saúde
• Designación de Facultativo Director das obras e Coordinador de seguridade e saúde
• Estudo de xestión e producción de residuos
• Cando a obra non se execute pola compañía de servizos
  • Copia de alta no IAE da empresa que se encargará dos traballos
    No caso de terse contratado. En caso contrario, deberá comunicarse ao Concello previamente ao inicio das obras.

• Solicitude / Autoliquidación de Licenza para Obras en Dominio Público. Arranxo de Avarías (Obra menor)
• Solicitude / Autoliquidación de Licenza para Obras en Dominio Público: Realización de Cala
• Solicitude / Autoliquidación de Licenza para Obras en Dominio Público: Gran Cala
• Solicitude / Autoliquidación de Licenza para Obras en Dominio Público: Obras diversas