Calquera persoa física ou xurídica.

• Impreso normalizado de solicitude de licenza de obra nova OB-001
• Impreso de autoliquidación da taxa correspondente Copia do documento de autoliquidación da taxa correspondente
• Documentación persoas físicas
  Identificación no rexistro ou na sede electrónica. Quen compareza ou asine en representación doutra, acompañarán un documento que acredite debidamente a devandita representación (autorización expresa, poder notarial ou declaración responsable) e copia do DNI do representado
• Persoas xurídicas
  Identificación no rexistro ou na sede electrónica do representante e documentación acreditativa da representación e escritura ou documento de constitución e/ou estatutos ou o acto fundacional, nos que consten as normas polas que se regula a súa actividade, debidamente inscritos, no seu caso, no rexistro público que corresponda, segundo o tipo de persoa xurídica de que se trate. Non é necesario nas solicitudes realizadas na sede electrónica co certificado electrónico da persoa xurídica
• Escritura pública de propiedade do terreo
  A dita escritura achegarase inscrita no Rexistro da Propiedade cando haxa cesións ou outras condicións suxeitas a inscrición rexistral. A superficie e lindeiros deberá coincidir coa parcela real e coa parcela catastral.
• Representación gráfica xeorreferenciada
  en formato GML INSPIRE ou similar, da parcela catastral, de maneira que permita identificar sobre cartografía catastral a situación, forma e superficie da parcela e permita a súa incorporación ao Catastro. Neste sentido, o GML debe ser o resultante da medición topográfica real e recente da parcela obxecto da solicitude e que serve de base para a redacción do proxecto para o que se solicita a licenza de obra
• Reportaxe fotográfica
  do soar ou da edificación no que se aprecien todos os seus lindeiros, subscrita polo/a solicitante e polo técnico redactor do proxecto. Nos casos de nova edificación en edificacións entre medianeiras, acompañarase tamén fotografías das fachadas dos edificios lindeiros.
• Oficio de dirección das obras
• Cuestionario estatístico de edificación e vivenda do Ministerio de Fomento
• Documentación acreditativa da mancomunidade de patios ou garaxes ou compromisos cos lindantes no caso de edificacións apegadas (Cando proceda.)
• Autorizacións sectoriais previas preceptivas
  No caso de parcelas afectadas polas servidumes aeronáuticas legalmente establecidas deberá aportar xustificante da presolicitude realizada na sede electrónica da AESA.
• Proxecto técnico
  redactado por técnico/a competente co contido establecido no Anexo I da Parte I do Código técnico da edificación e no anexo da Ordenanza de tramitación de licenzas .
• Xustificación do cumprimento da ordenanza municipal sobre captación e aproveitamento de enerxía solar para usos térmicos en edificacións e instalacións no termo municipal de Vigo
• En edificacións incluídas en ámbitos de Plan Especial de Intervención.
  • Resultado da consulta previa ante a comisión de seguimento do PEEC
    En edificacións incluídas no ámbito do Plan Especial e Catálogo Complementario de Edificios, Conxuntos e Elementos a Conservar, e nos casos particulares do Plan Especial de Protección e Reforma Interior (PEPRI) do Casco Vello ou Plan Especial de Protección e Reforma Interior (PEPRI) do Casco Histórico de Bouzas será preceptiva a presentación do resultado da consulta previa ante a Comisión de Seguimento do PEEC.
• No caso de proxectos ou oficios de dirección sen visado colexial
  • Declaración responsable (ou certificado colexial) do técnico redactor do proxecto
    no que figuren os seus datos persoais e profesionais de forma que permita a súa identificación e na que se acredite que non está inhabilitado ou incurso en causa de incompatibilidade.
• De ser o caso
  • Certificación de conformidade coa legalidade urbanística e o planeamento aplicable
    emitida por unha entidade de certificación de conformidade municipal debidamente acreditada e inscrita no Rexistro de Entidades de Certificación de Conformidade Municipal da Comunidade Autónoma de Galicia.
• Se a licenza se solicita co proxecto básico e execución, ademais da documentación anterior deberá presentar: (Para proxectos achegados a través da Plataforma de edición de proxectos ou do acceso telemático ao Colexio Profesional,so deberá aportar o código
  • Proxecto de infraestruturas comúns de telecomunicacións
    redactado polo/a técnico/a competente de acordo co R.D.l. 1/1998 (no caso de edificios con división horizontal) e proxecto técnico que prevexa a instalación de infraestrutura de soporte do fogar dixital redactado polo/a técnico/a competente de acordo co Decreto 127/2016 nas edificacións de uso residencial.
  • Estudo de seguridade e saúde
    segundo R.D. 1627/1997 redactado polo/a técnico/a competente.
  • Proxecto técnico da instalación de enerxía solar térmica para auga quente sanitaria
    redactado por técnico/a competente
  • Oficio da dirección da execución da obra
  • Estudio de xestión de residuos
    segundo R.D. 105/2008.
  • Proxecto técnico da actividade e das instalacións
    (ou Memoria no caso de instalacións de pequena entidade) redactado por técnico/a competente, co contido establecido no anexo da Ordenanza de tramitación de licenzas.
  • Declaración expresa
    Declaración de que se cumpren todos os requisitos para o exercicio da actividade e de que os locais e as instalacións reúnen as condicións de seguridade, salubridade e as demais previstas no planeamento urbanístico, subscrita polo técnico autor do proxecto.
  • Autorización ou declaración ambiental que proceda
• Se a edificación ten por obxecto o desenvolvemento dunha actividade, ademais deberá achegar: (No caso de proxectos achegados a través da Plataforma de edición de proxectos ou do acceso telemático ao Colexio Profesional, so deberá aportar o código)
  • Autorizacións e informes sectoriais que sexan preceptivos
    xunto coa manifestación expresa de que se conta con todos os necesarios para o inicio da obra, instalación ou actividade.
• Se se trata dunha actividade recreativa ou un espectáculo público suxeita a declaración responsable:
  • Declaración expresa
    Declaración onde se faga constar o compromiso de contratación do seguro previsto na normativa en materia de espectáculos públicos e actividades recreativas de Galicia ou documentación acreditativa da dispoñibilidade daquel.
  • Documento acreditativo
    Documento acreditativo asinado pola persoa interesada da designación da persoa física ou xurídica que debe asumir a responsabilidade técnica da execución do proxecto e que debe expedir a certificación que acredite a adecuación do espectáculo público ou da actividade recreativa aos requisitos exixibles.

• Xerencia Municipal de Urbanismo

  Praza do Rei s/n

  Teléfono: 986 810 320

  Horario: De 9:00 a 13:30 horas.

• Ordenanza municipal reguladora da tramitación das licenzas urbanísticas e outras formas de intervención administrativa 2026

• OB-001 Licenza de obra nova