Calquera persoa física ou xurídica que vaia a abrir un establecemento cunha capacidade igual ou inferior a 500 persoas no que se desenvolvan actividades recreativas ou espectáculos públicos, excepto aquelas cuxa normativa específica exixa a concesión de licenza ou autorización.

As actividades recreativas ou espectáculos públicos son as establecidas no “Catálogo de espectáculos públicos e actividades recreativas da Comunidade Autónoma de Galicia”

• Impreso normalizado de declaración responsable de inicio de actividade AR-001
• Autoliquidación de taxas de licenza de actividades e instalacións
• Persoas físicas
  Identificación no rexistro ou na sede electrónica. Quen compareza ou asine en representación doutra, acompañarán un documento que acredite debidamente a devandita representación (autorización expresa, poder notarial ou declaración responsable) e copia do DNI do representado.
• Persoas xurídicas
  Identificación no rexistro ou na sede electrónica do representante e documentación acreditativa da representación e escritura ou documento de constitución e/ou estatutos ou o acto fundacional, nos que consten as normas polas que se regula a súa actividade, debidamente inscritos, no seu caso, no rexistro público que corresponda, segundo o tipo de persoa xurídica de que se trate. Non é necesario nas solicitudes realizadas na sede electrónica co certificado electrónico da persoa xurídica.
• Declaración responsable (ou certificado colexial) de técnico/a competente
  no que figuren os seus datos persoais e profesionais de xeito que permita a súa identificación e na que se acredite que non está inhabilitado/a ou incurso/a en causa de incompatibilidade.
• Se no local realizáronse obras de adaptación previas ao desenvolvemento da actividade (con licenza ou comunicación previa)
  • Certificación de fin de obra das obras e das instalacións, asinada pola persoa directora das obras
  • Documento acreditativo da dispoñibilidade do local
    (contrato de arrendamento ou escritura de compra, etc.). Se o titular da actividade é distinto o solicitante da obra
  • Póliza de responsabilidade civil
    obrigatorio, previsto na normativa en materia de espectáculos públicos e actividades recreativas de Galicia, e o recibo de pagamento das primas correspondentes ao período do seguro en curso ou a copia destes.
  • Informe do illamento acústico conseguido no local
    Dacordo co disposto no artigo 11 do DECRETO 106/2015, do 9 de xullo, sobre contaminación acústica de Galicia, que deberá completarse co disposto no artigo 15 da Ordenanza municipal de protección do medio contra a contaminación acústica producida pola emisión de ruídos e vibracións. Non será obrigatorio no caso que a persoa titular da actividade faga constar expresamente que actividade producirán un nivel sonoro igual ou inferior, en calquera horario, a 75 dB, excepto nas actividades nocturnas e as diúrnas dos grupos 1 e 2 da táboa 4 do Manual de Procedemento adxunto á Ordenanza municipal de protección do medio contra a contaminación acústica producida pola emisión de ruídos e vibracións que, en calquera caso, deberán achegar o certificado establecido no artigo 15 da dita ordenanza.
• Se non son precisas obras de acondicionamento
  • Documento acreditativo da dispoñibilidade do local
    contrato de arrendamento ou escritura de compra, etc.
  • Planos de situación e localización do local
    no que se pretende a actividade, a escala mínima 1:2000 e 1:500 respectivamente, asinado por técnico/a competente. Deberá utilizar a cartografía oficial.
  • Proxecto técnico e a documentación técnica que resulte exixible segundo a natureza da actividade
    asinados por persoa técnica competente, co contido mínimo establecido no anexo 3 da Ordenanza municipal reguladora da tramitación das licenzas urbanísticas e outras formas de intervención administrativa.
  • Póliza de responsabilidade civil
    obrigatorio, previsto na normativa en materia de espectáculos públicos e actividades recreativas de Galicia, e o recibo de pagamento das primas correspondentes ao período do seguro en curso ou a copia destes.
  • Autorización ou declaración ambiental que proceda
    de conformidade coa normativa específica aplicable.
  • Responsable da execución do proxecto de actividade
    Documento acreditativo asinado pola persoa interesada da designación da persoa física ou xurídica que debe asumir a responsabilidade técnica da execución do proxecto e que debe expedir a certificación que acredite a adecuación do espectáculo público ou da actividade recreativa aos requisitos exixibles.
  • Informe do illamento acústico conseguido no local
    De acordo co disposto no artigo 11 do DECRETO 106/2015, do 9 de xullo, sobre contaminación acústica de Galicia, que deberá completarse co disposto no artigo 15 da Ordenanza municipal de protección do medio contra a contaminación acústica producida pola emisión de ruídos e vibracións
  • Certificado, a acta ou o informe de conformidade emitido polas entidades de certificación de conformidade municipal reguladas na Lei 9/2013, do 19 de decembro, do emprendemento e da competitividade económica de Galicia. (Se fora o caso)

A declaración responsable presentada cumprindo os requisitos habilita para a apertura do establecemento desde a súa presentación, sen prexuízo das facultades de comprobación, control e inspección atribuídas á Administración.

Non é unha autorización administrativa para exercer unha actividade senón un medio para que a administración coñeza a existencia da dita actividade e posibilitar o control posterior, distinto da facultade de inspección ordinaria, mediante as oportunas actuacións administrativas. O control municipal prodúcese con posterioridade ao inicio da actividade. A existencia de inexactitudes, falsidades ou deficiencias no local determinará a imposibilidade de continuar co exercicio da actividade

• Xerencia Municipal de Urbanismo

  Praza do Rei s/n

  Teléfono: 986 810 320

  Horario: De 9:00 a 13:30 horas.

• Ordenanza municipal reguladora da tramitación das licenzas urbanísticas e outras formas de intervención administrativa 2026

• AR-002 Licenza de apertura de establecementos de actividades recreativas ou espectáculos públicos de máis de 500 persoas de capacidade que precisa obras de acondicionamento - a través de representante
• Comunicación previa de obras de adaptación de local para unha actividade - a través de representante CP-002
• Comunicación de cambio de titularidade das actividades - a través de representante CP-003
• Comunicación previa de inicio de actividade (excepto actividades recreativas e espectáculos) en locais que non precisan obras de adaptación - a través de representante CP-001