Calquera persoa física ou xurídica que vaia a realizar unha actividade suxeita a comunicación previa.

Relación de actividades suxeitas a comunicación previa.

• Impreso normalizado de comunicación previa de obras maiores, instalacións, peches e rótulos CP-005
• Impreso de autoliquidación da taxa correspondente
• Persoas físicas
  Identificación no rexistro ou na sede electrónica. Quen compareza ou asine en representación doutra, acompañarán un documento que acredite debidamente a devandita representación (autorización expresa, poder notarial ou declaración responsable) e copia do DNI do representado.
• Persoas xurídicas
  Identificación no rexistro ou na sede electrónica do representante e documentación acreditativa da representación e escritura ou documento de constitución e/ou estatutos ou o acto fundacional, nos que consten as normas polas que se regula a súa actividade, debidamente inscritos, no seu caso, no rexistro público que corresponda, segundo o tipo de persoa xurídica de que se trate. Non é necesario nas solicitudes realizadas na sede electrónica co certificado electrónico da persoa xurídica.
• Proxecto técnico completo e declaración
  Proxecto técnico completo redactado por técnico/a competente e declaración do/a técnico/a ou os/as técnicos/as facultativos/as que autoricen o proxecto de que este cumpre en todos os seus termos coa ordenación urbanística de aplicación, así como estudo de seguridade e saúde e estudo de xestión de residuos.
• Oficio de dirección das obras e dirección da execución da obra.
• Declaración responsable (ou certificado colexial) do técnico redactor do proxecto
  Declaración responsable (ou certificado colexial) da ou do técnico redactor do proxecto no que figuren os seus datos persoais e profesionais de xeito que permita a súa identificación e na que se acredite que non está inhabilitado/a ou incurso/a en causa de incompatibilidade. EXCLÚESE a súa presentación nos casos nos que se achegue proxecto, certificados ou outra documentación técnica visada polo correspondente colexio profesional.
• Reportaxe fotográfica
  Incluídas fotografías da totalidade da fachada e da zona na que se pretende realizar a obra.
• Copia das restantes autorizacións
  Copia das restantes autorizacións e, de ser o caso, concesións administrativas cando sexan legalmente esixibles ao solicitante, ou acreditación de terse solicitado o seu outorgamento. No caso de achegar a acreditación da súa solicitude, non poderá iniciar a obra ata o seu outorgamento.
• Documentación complementaria
  Se a actuación proxectada se atopa no contorno de protección dun ben incluído no Catálogo do Plan Xeral de Ordenación Municipal vixente, deberá xustificar que as obras están comprendidas entre as enumeradas no artigo 45.2 da Lei 5/2016 do patrimonio cultural de Galicia e, polo tanto, non precisan a autorización prevista no artigo 39.1 da dita lei. No caso de obras que non cumpran a anterior condición e se atopen no ámbito de protección dun elemento catalogado cun nivel de protección ambiental ou estrutural, deberá solicitar nesta administración autorización, previa á eficacia da comunicación previa, de conformidade co artigo 39.1 da LPCG.
• Renuncia da persoa propietaria do inmoble ao incremento do valor en caso de expropiación
  Para o caso de edificacións en situación de fóra de ordenación.
• Certificación de conformidade coa legalidade urbanística e o planeamento aplicable
  Emitida por unha entidade de certificación de conformidade municipal debidamente acreditada e inscrita no Rexistro de Entidades de Certificación de Conformidade Municipal da Comunidade Autónoma de Galicia.
• No caso de edificacións situadas nos ámbitos de Plans especiais de protección (PEEC, Casco Vello, Bouzas)
  • Memoria xustificativa
    Memoria xustificativa do cumprimento das condicións estéticas, que deberá conter a seguinte documentación: - No caso de actuacións dentro do ámbito do PEPRI Casco Vello: Xustificarase o cumprimento do art. 3.6 da Normativa Urbanística do PEPRI do Casco Vello de Vigo no que se indican as condicións estéticas das edificacións (aprobación definitiva 12.04.07-DOG 6.06.07). - No caso de actuacións dentro do ámbito do PEPRI de Bouzas: Xustificarase o cumprimento do capítulo VII: Regulación das condicións estéticas (art. 50 e ss.) da Normativa Urbanística do PEPRI de Bouzas (aprobación definitiva 30.09.02-BOP 11.11.02). - No caso de actuacións no ámbito do Plan Especial de Edificios a Conservar: Indicaranse os acabados (materiais, cor e texturas) que se axustarán ó regulado no artigo 8.2 Normas estéticas e de composición das normas urbanísticas do Plan especial de edificios, conxuntos e elementos a conservar, PEEC (aprobación definitiva 25.10.90-BOP 17.01.91). - Presentaranse fotografías da fachada e da contorna da edificación e, se se actúa sobre as fachadas, incluirase un plano de alzado co estado actual e reformado. Xustificarase a integración dos materiais propostos na fachada existente.

En edificios catalogados todas as obras están suxeitas a licenza de obra previa.

A persoa interesada queda exenta de declarar ante o Catastro Inmobiliario os feitos, actos ou negocios con relevancia catastral derivados da presente comunicación previa, por terse acollido o Concello de Vigo ao réxime de comunicación do artigo 14.b) do Texto refundido da Lei do Catastro Inmobiliario, aprobado polo Real Decreto Lexislativo 1/2004, do 5 de marzo.

• Xerencia Municipal de Urbanismo

  Praza do Rei s/n

  Teléfono: 986 810 320

  Horario: De 9:00 a 13:30 horas.

• Ordenanza municipal reguladora da tramitación das licenzas urbanísticas e outras formas de intervención administrativa 2026