Servizo municipal de información e asesoramento ás mulleres adscrito á Concellería de Igualdade, no que se promove unha intervención pluridisciplinar e integral dende unha perspectiva de xénero, desenvolvendo ao mesmo tempo programas específicos de apoio e atención ás vítimas da violencia.

O Centro é atendido por un equipo de profesionais composto por unha psicóloga, unha avogada, unha traballadora social e unha administrativa.

É a vía de entrada ao Servizo de Atención Domiciliaria á Infancia (SADI), así como ao Centro de Emerxencia para vítimas de violencia de xénero.

Programas xerais:

• Programas de información e asesoramento xurídico, social e psicolóxico.

• Servicio Municipal de Atención Domiciliaria da Infancia: consiste no coidado de nenas/os menores de 12 anos cando a nai deba ausentarse, de forma que non queden soas/os.

Programas dirixidos a mulleres vítimas da violencia:

• Programa de asistencia psicolóxica especializada: asesoramento, intervención en crise, terapia individual, terapia grupal e terapia familiar.

• Programa de asesoramento e apoio social: información, orientación e asesoramento acerca de recursos de aloxamento e/ou acollemento, recursos educativos, recursos e prestacións socio-económicas, escolarización e coidado das fillas e fillos, información e derivación a recursos de emprego, recursos e apoio social e de saúde.

• Programa de asesoramento xurídico: asesoramento en todo tipo de consultas penais, de dereito e de familia. Asesoramento e seguimento nos procesos penais e de familia. Asistencia nas xestións xurídicas que procedan.

• Programa de atención psicolóxica a fillas/os menores de vítimas de violencia de xénero: atención psicolóxica especializada a menores entre 6 e 17 anos, fillas/os de mulleres vítimas de violencia de xénero.

• Programa de acollemento e protección para mulleres vítimas de violencia de xénero: O CIM é a vía de entrada para o Centro de Emerxencias para mulleres en situación de violencia de xénero, que ofrece acollemento e protección de urxencia a mulleres e fillas/os que precisen abandonar a súa vivenda. Ademais, o Concello de Vigo conta con 3 vivendas de protección e acollemento temporal, dirixidas a mulleres que, tras o seu paso polo CEMVI, continúen necesitando apoio e protección ata conseguir a súa total autonomía.

• Programa de axudas económicas municipais para vítimas de violencia de xénero: axudas económicas de carácter urxente e non periódico, para facer fronte a necesidades derivadas principalmente da violencia de xénero no proceso de ruptura co agresor.

• Solicitude do Servizo ATENPRO: servizo que consiste no préstamo dun dispositivo móbil que ofrece atención inmediata en situacións de emerxencia os 365 días do ano 24 horas do día. Dirixido a persoas que interpuxeran denuncia por violencia de xénero contra a súa parella ou exparella e non convivir co agresor.

• Teléfono 24 horas 986 293 963: atendido as 24 horas do día por persoal especializado, ofrece información inmediata e precisa sobre recursos de acollemento e protección de urxencia, así como información urxente sobre recursos legais e sociais dirixidos a vítimas de violencia de xénero y apoio e contención en situacións de angustia.

• Centro Municipal de Información dos Dereitos da Muller

  R/ Romil 20 36203 Vigo

  Teléfono: 986 293 963 Fax: 986 201 153

  Email: info.muller@vigo.org

  Consulta xurídica on-line: osnososdereitos.muller@vigo.org

  Horario: Luns a venres de 8.30 a 14.30
  Xoves de 8.30 a 14.00 e de 15:00 a 18:00
  Desde o 15 de xuño ao 15 de setembro:
  Luns a venres de 8.30 a 13.30
  Xoves de 8.30 a 13.30 e de 15.00 a 17.00

• Programa de asesoramento e apoio social a vítimas de violencia de xénero
• Centro de Emerxencia para Mulleres en situación de Violencia de xénero
• Teléfono Municipal da Muller 24 horas
• Programa de asesoramento xurídico a mulleres
• Programa ATENPRO (Atención e Protección)
• Programa de atención psicolóxica a menores, fillas e fillos de mulleres vítimas de violencia de xénero
• Información e Asesoramento sobre Axudas Económicas para Mulleres
• Servizo de Atención Domiciliaria da Infancia
• Programa de atención psicolóxica a mulleres vítimas de violencia de xénero