Pagamento do Imposto sobre Construcións, Instalacións e Obras (ICIO): Liquidación Provisional
Pago do imposto que grava a realización en todo o termo municipal de calquera construcción, obra ou instalación para a que se esixa licenza urbanística.
A quen está dirixido
As persoas físicas ou xurídicas e as Entidades a que se refire o artigo 35.4 da Lei Xeral Tributaria, que sexan donos das construccións, instalacións ou obras, sexan ou non propietarios dos inmobles sobre os que se realicen aquelas.
A estes efectos, terá a consideración de dono da construcción, instalación ou obra quen soporte os gastos ou custes que supoña a súa realización.
No suposto de que a construción, instalación ou obra non sexa realizada polo suxeito pasivo contribuínte, terán a consideración de suxeitos pasivos substitutos do mesmo os que soliciten as correspondentes licenzas ou realicen as construcións, instalacións ou obras.
O substituto poderá esixir do contribuínte o importe da obriga tributaria satisfeita.
Como facelo
Presencialmente
So para os solicitantes non obrigados a relacionarse telemáticamente coa administración (pode consultar os solicitantes obrigados a relacionarse coa administración de maneira electrónica).
No caso de solicitude de licenza de obra menor :
Deberá facer o pagamento do imposto no momento de presentación da solicitude de licenza.
No caso de solicitude de licenza de obra maior :
Primeiramente fará a solicitude sen ter que pagar nese momento o imposto ( non confundir coa taxa pola concesión de licenza ,que sí terá que facer o pagamento no momento da solicitude ).
Xunto coa concesión de licenza urbanística remitiráselle o impreso de autoliquidación provisional cuberto.
Terá de prazo un mes, desde dita notificación de concesión de licenza, para realizar o pago, en calquera entidade colaboradora na Recadación Municipal, e entregar o correspondente xustificante no Rexistro Xeral do Concello de Vigo.
Tamén poderá fraccionar o pagamento das cotas provisionais da seguinte forma:
- 50% da liquidación provisional no prazo dun mes dende a notificación da licenza.
- O resto no prazo de 7 meses desde a notificación daquela.
Esta autoliquidación ten carácter provisional debendo o/a contribuinte, o rematar as obras, presentar certificación do custo real das mesmas co fin de esixir ou reintegrar, no seu caso, a cantidade que corresponda da liquidación definitiva.
Documentación requirida
- Impreso Autoliquidación Provisional do Imposto sobre Construcións, Instalacións e Obras
Oficinas
-
Xerencia Municipal de Urbanismo
Praza do Rei s/n
Teléfono: 986 810 320
Horario: De 9:00 a 13:30 horas.
-
Administración de Tributos: Taxas Vía Pública
Concello de Vigo Praza do Rei 1 - Planta Baixa 36202 Vigo Teléfono: 986 810 100 ext. 1169
Horario: De 9:00 a 13:30 horas.
Trámites relacionados
App móbil Vigo
Información da cidade (transporte, axenda, recursos, ...), trámites, ofertas de emprego,...
Concello de Vigo (Servizo de Administración Electrónica)
Praza do Rei 1 - 36202 - Vigo (Pontevedra) - Teléfono: 010 - 986810100
