As persoas interesadas poderán formular consultas urbanísticas especiais para resolver as dúbidas de interpretación que lles poida suscitar a aplicación dun ou varios preceptos da normativa urbanística presentando propostas técnicas sobre unha actuación urbanística concreta.

Deben formularse obrigatoriamente as consultas previas que expresamente están recollidas nas Normas Urbanísticas, por razóns de protección, por exemplo na Ordenanza 2, ou por circunstancias expresas, como a establecida no Artigo 6.10.9 das Normas Urbanísticas, ou noutros casos análogos.

Persoas físicas e xurídicas.

• Impreso de solicitude xeral da Xerencia de Urbanismo
• Solicitante: Fotocopia do DNI no caso de persoas físicas. No caso de persoas xurídicas a persoa que asina a petición achegará documentación acreditativa da súa representación como unha fotocopia pública da escritura de constitución da sociedade, poder,etc
• Plano de localización sobre cartografía oficial Din A-3, Escala 1/2000
  no que se reflicte a posición exacta da parcela.
• Documentación Complementaria
  Toda aquela documentación que estime oportuna relacionada coa súa consulta para poder darlle solución.

Se ningunha das propostas técnicas fose conforme á normativa urbanística, os servizos técnicos municipais poderán informar ao solicitante das rectificacións precisas.

A resposta deberá ser ratificada polo órgano competente para autorizar o futuro proxecto.

A contestación da consulta deberá producirse no prazo máximo de tres meses. Non en tanto, o prazo será interrompido nos casos nos que deba de recabarse informe ou ditame preceptivo.

• Xerencia Municipal de Urbanismo

  Praza do Rei s/n

  Teléfono: 986 810 320

  Horario: De 9:00 a 13:30 horas.