Mediante este trámite poderá realizar a comunicación previa para obras de construción de peches e valados de parcelas e solares, excepto muros de contención.

Calquera persoa física ou xurídica que actue en representación doutra.

A comunicación previa deberá realizarse cunha antelación mínima de 15 días hábiles.

• Impreso de solicitude de comunicación previa 2 copias
• Impreso de autoliquidación da taxa correspondente
• Nomeamento do contratista e xustificación de alta para os efectos do imposto de actividades económicas
• Copia das restantes autorizacións
  e, de ser o caso, concesións administrativas cando sexan legalmente exixibles ao solicitante, ou acreditación de terse solicitado o seu outorgamento.
• Plano de situación
  a escala mínima 1:2000.
• Plano de deslinde acoutado
  Indicando onde se pretende o peche a escala mínima 1:500.
• Copia do Plano oficial acreditativo da acta de liña e rasante
  Se o peche linda fronte á vía pública. Que se deberá reflectir sobre un plano topográfico a escala mínima de 1:500 cos mesmos parámetros fixados polos técnicos municipais. Excepto solo urbano non consolidado e solo urbanizable sen ordenación detallada.
• Memoria descriptiva
  indicando os materiais, a altura e a lonxitude do peche.
• Orzamento desglosado
  da obra ou actuación a realizar.
• Reportaxe fotográfica
  do linde onde se pretende construír o peche subscrita pola persoa solicitante.
• Datos identificativos da persoa solicitante
  • Persoas físicas
    DNI (ou documento que faga as súas veces) da solicitante e da representante. As persoas que comparezan ou asinen en representación doutra, acompañarán ademais un documento que acredite debidamente devandita representación (autorización expresa, poder notarial ou declaración responsable).
  • Persoas xurídicas
    1. DNI (ou documento que faga as súas veces) da persoa representante e documentación acreditativa da representación. 2. Escritura ou documento de constitución e/ou Estatutos ou o acto fundacional, nos que consten as normas polas que se regula a súa actividade, debidamente inscritos, no seu caso, no Rexistro público que corresponda, segundo o tipo de persoa xurídica de que se trate.
  • Comunidade de propietarios
    DNI (ou documento que faga as súas veces) da ou do presidente. No caso de que a solicitude a realice a persoa administradora da comunidade, achegará o seu DNI e documento que acredite debidamente a súa representación (autorización expresa, poder notarial ou declaración responsable). Ademais acta do nomeamento da persoa presidente ou acta da reunión de propietarios na que se recolla o acordo á realización das obras.
• No caso de edificacións en situación de fora de ordenación de carácter temporal
  • Renuncia do propietario do inmoble ao incremento do valor en caso de expropiación
• No caso de edificacións situadas nos ámbitos das Ordenanzas 1 e 2 do PXOM vixente
  • Memoria xustificativa
    do cumprimento das condicións estéticas, co contido mínimo establecido no Anexo 2 da Ordenanza municipal de tramitación de licenzas.

En edificios catalogados todas as obras están suxeitas a licenza de obra previa.

A persoa interesada queda exenta de declarar ante o Catastro Inmobiliario os feitos, actos ou negocios con relevancia catastral derivados da presente comunicación previa, por terse acollido o Concello de Vigo ao réxime de comunicación do artigo 14.b) do Texto refundido da Lei do Catastro Inmobiliario, aprobado polo Real Decreto Lexislativo 1/2004, do 5 de marzo.

• Xerencia Municipal de Urbanismo

  Praza do Rei s/n

  Teléfono: 986 810 320

  Horario: De 9:00 a 13:30 horas.