Esta convocatoria de subvencións,en réximen de concorrencia competitiva, realizada pola Concellería de Emprego do Concello de Vigo, no marco da actuación municipal para o ano 2024, se integran na liña 4.7.- Fomento de actividades sociais: actividades de interese público realizadas a través de agrupacións de persoas, asociacións, etc do Plan Estratéxico de Subvencións (PES) aprobado pola Xunta de Goberno Local na súa sesión ordinaria do 08.03.2024; ao seu efecto, ten por obxecto apoiar ás entidades asociativas no desenvolvemento dos seus proxectos para o fomento da inserción laboral e o Fomento da creación e consolidación do emprego estable e de calidade no municipio, ten por obxecto a concesión, en réxime de concorrencia competitiva, de axudas económicas ás entidades sen ánimo de lucro que operan no movemento veciñal, social, sindical, deportivo, empresarial e das comunidades de montes, constituídas legalmente como tales entidades sen ánimo de lucro, para actividades de fomento do emprego entre os veciños e veciñas de Vigo, realizadas ou pendentes de levar a cabo, dende 1 de agosto de 2023 ata o 31 de xullo de 2024. Estas axudas están dirixidas a fomentar o emprego en colaboración coas entidades sen ánimo de lucro e o fomento da estabilidade laboral do persoal contratado ou transformado en fixos ou fixos descontinuos nas últimas dúas convocatorias, co fin de reforzar a súa capacidade de autoorganización e posibilitar o fortalecemento do tecido social e a promoción da calidade de vida e benestar social da cidadanía.

Poderán concorrer a esta convocatoria pública as asociacións veciñais, culturais, sindicais, sociais, deportivas, comunidades de montes e entidades empresariais, sen ánimo de lucro, que en función do programa deberán estar inscritas con anterioridade ao inicio do prazo de presentación de solicitudes á presente convocatoria, nos epígrafes que a continuación se relacionan do Rexistro Municipal de Asociacións (RMA), que fomenten o emprego, o asociacionismo e a participación cidadá e teñan como ámbito de actuación o termo municipal de Vigo, e cuxas actividades complementen competencias municipais, mediante a realización de programas de actividades relacionadas co emprego, a cultura, a asistencia, o lecer, o deporte e a mellora da empregabilidade que serven para reforzar os servizos que, neste ámbito, presta o Concello de Vigo.

• Programa I: "Entidades veciñais e culturais" - Epígrafes 10.1 e 10.5.

• Programa II: "Entidades sociais e asistenciais" - Epígrafes 1, 2, 4.1 e 9.1.

• Programa III: "Organizacións sindicais" - Epígrafe 5.1

• Programa IV: "Entidades empresariais” - Epígrafes 5.2

• Programa V: "Comunidades de Montes" - Epígrafe 10.7

• Programa VI: "Entidades deportivas" - Epígrafes 3.0.0, 3.1.1 e 3.1.2

Prazo de presentación de solicitudes: Do 11/06/2024 ao 24/06/2024.

• (SFESL2024) Anexo I: Solicitude - Datos da entidade solicitante. - Datos do/a representante legal da entidade. - Dispositivo electrónico (teléfono móbil o similar), e/ou unha dirección de correo electrónico, que necesariamente deberán indicar para poder enviar un aviso de posta a disposición das notificacións electrónicas. Estes avisos non terán, en ningún caso, efectos de notificación practicada e a súa falta non impedirá que a notificación sexa considerada plenamente válida. - Sinatura electrónica do representante legal da entidade: deberán asinar electronicamente a solicitude antes do seu envío a través da sede electrónica.
• (SFESL2024) Anexo II: Declaración responsable de cumprimento dos requisitos asinada electronicamente polo representante legal da entidade.
• (SFESL2024) Anexo III: Declaración responsable das axudas solicitadas e/ou concedidas asinada electronicamente polo representante legal da entidade.
• (SFESL2024) Anexo IV: Autorización expresa para a consulta e verificación de datos polo Concello de Vigo para comprobar se o/a solicitante ten ou non débedas coa AEAT, Tesourería da Seguridade Social, a Axencia Tributaria de Galicia e Concello de Vigo. No caso de non querer achegar este Anexo ou de non estar debidamente cuberto, o solicitante terá que achegar as Certificacións de estar ao corrente coas obrigas tributarias e fronte a Seguridade Social, vixentes de conformidade co art. 23.3 RLXS, de xeito que, de ter presentados os certificados requiridos no Concello de Vigo cunha antigüidade inferior a seis meses, non será esixible a súa presentación, sempre que se indique o número de expediente no que obran.
• (SFESL2024) Anexo V: Proxecto de contratacións a realizar Para a determinación do período temporal de duración dos contratos establecidos polas entidades e o conseguinte cálculo dos salarios e seguridade social que poderán ser imputados en base a dito período á subvención deberá axustarse a seguinte formula; o número de días comprendidos entre a data de inicio das contratación e a data de finalización entre 30 días mensuais. Deberá terse en conta que a data límite de finalización para o computo será o último día do período subvencionable 31/07/2024. Os cálculos para a solicitude e a xustificación deberán facerse en base a 30 días mensuais.
• Certificación
  Certificación asinada polo/a secretario/a ou persoa habilitada para o efecto pola entidade na que se indique a composición da xunta directiva na data de publicación da convocatoria (cargo, nome, apelidos e DNI), xunto co compromiso de comunicar, nun prazo máximo de dez días hábiles seguintes, calquera modificación que se produza na composición do dito órgano con posterioridade á presentación da solicitude de subvención, e na que conste o nº de socios e se a entidade solicitante ten estrutura suficiente para garantir o cumprimento dos obxectivos propostos, así como, a experiencia e capacidade necesarias para acadalos.
• Informe de vida laboral do código de conta de cotización
  onde conste a relación nominal de todas as persoas traballadoras que estean no cadro de persoal da asociación no intre de presentación da solicitude.
• Outra documentación
  Calquera outra comunicación de modificación ou actualización de datos da entidade que consideren relevante (declaración de utilidade pública, honras, distincións...), podendo, así mesmo, acompañar os elementos que estimen convenientes para completar os datos dos modelos, que serán tidos en conta á hora de estudar e avaliar as solicitudes
• (SFESL2024) Anexo VI: Oferta de emprego
• (SFESL2024) Anexo VII: Cartel

• Desenvolvemento local e emprego Concello de Vigo
  Praza do Rei 1, 4ª Planta
  Teléfono: 986 810 304 ; 986 810 232

  Horario: De 9:00 a 13:30 horas.

• Bases reguladoras Documentación na páxina de Convocatorias e subvencións