Teñen por obxecto a inscrición ou modificación do Catastro Inmobiliario por:

- A adquisición da propiedade e a súa consolidación, a constitución, modificación ou adquisición da titularidade dunha concesión administrativa e dos dereitos de usufruto e de superficie, así como as variacións na cota de participación nos bens inmobles comúns, ou na composición interna e na cota de participación de cada un dos comuneiros, membros e partícipes nos supostos de concorrencia de varios titulares ou de existencia de entidades sen personalidade xurídica.

- A realización de novas construcións, así como a ampliación, rehabilitación ou reforma das xa existentes, xa sexa total ou parcial.

- A demolición total ou parcial de construcións.

- A segregación, división, agregación e agrupación de parcelas ou de locais.

- A constitución do réxime de división horizontal sobre os bens inmobles.

- A modificación do uso ou destino de inmobles o locais que sexan parte de edificacións ou instalacións.

- O cambio de clase de cultivo ou aproveitamento.

A persoa propietaria, titular dun dereito real de superficie, usufruto ou concesión administrativa sobre bens inmobles ou servizos públicos aos que estean afectos.

2 meses contados dende o día seguinte ao aoutorgamento da escritura pública, documento en que se formalice o feito, acto ou negocio declarado.

• Declaración de alteración de bens inmobles (Modelo 900D) Na segunda folla do Modelo 900D especifícase a documentación a achegar segundo o caso solicitado.
• NIF, NIE ou pasaporte da persoa solicitante
  das persoas propietarias, titulares dun dereito real de superficie, usufruto ou concesión administrativa sobre bens inmobles ou servizos públicos aos que estean afectos.
• No caso de que o declarante actúe como representante do obrigado a declarar:
  • Modelo catastral de representación

• Oficina de Xestión Catastral Delegada do Concello de Vigo Praza do Rei nº 1 pranta baixa - 36202 Vigo ofi.xcatastral@vigo.org Teléfono: 986 810 201

  Horario: De luns a venres de 9 a 13:30.