Calquera persoa física ou xurídica que vaia a realizar unha actividade suxeita a comunicación previa.

Relación de actividades suxeitas a comunicación previa.

• Impreso normalizado de comunicación previa de obras maiores, instalacións, peches e rótulos CP-005
• Impreso de autoliquidación da taxa correspondente
• Persoas físicas
  Identificación no rexistro ou na sede electrónica. Quen compareza ou asine en representación doutra, acompañarán un documento que acredite debidamente a devandita representación (autorización expresa, poder notarial ou declaración responsable) e copia do DNI do representado.
• Persoas xurídicas
  Identificación no rexistro ou na sede electrónica do representante e documentación acreditativa da representación e escritura ou documento de constitución e/ou estatutos ou o acto fundacional, nos que consten as normas polas que se regula a súa actividade, debidamente inscritos, no seu caso, no rexistro público que corresponda, segundo o tipo de persoa xurídica de que se trate. Non é necesario nas solicitudes realizadas na sede electrónica co certificado electrónico da persoa xurídica.
• Memoria técnica de deseño ou proxecto técnico completo
  redactado por técnico/a competente, segundo determine a lexislación sectorial.
• Declaración dos/as facultativos/as que asinan o proxecto de que este cumpre en todos os seus termos coa ordenación urbanística de aplicación.
• Oficio de dirección das obras
  Se fose necesario de conformidade coa lexislación sectorial.
• Memoria xustificativa da integración arquitectónica das instalacións
• Declaración responsable (ou certificado colexial) de técnico/a competente
  no que figuren os seus datos persoais e profesionais de xeito que permita a súa identificación e na que se acredite que non está inhabilitado ou incurso en causa de incompatibilidade.
• Reportaxe fotográfica
  Reportaxe fotográfica da edificación e da zona na que se pretende colocar a instalación.
• No caso de instalacións situadas sobre a cuberta das edificacións
  • Certificado de técnico/a competente
    conforme a capacidade portante da cuberta é adecuada
• No caso de edificacións situadas nos ámbitos de Plans especiais de protección (PEEC, Casco Vello, Bouzas)
  • Memoria xustificativa
    Memoria xustificativa do cumprimento das condicións estéticas, que deberá conter a seguinte documentación: - No caso de actuacións dentro do ámbito do PEPRI Casco Vello: Xustificarase o cumprimento do art. 3.6 da Normativa Urbanística do PEPRI do Casco Vello de Vigo no que se indican as condicións estéticas das edificacións (aprobación definitiva 12.04.07-DOG 6.06.07). - No caso de actuacións dentro do ámbito do PEPRI de Bouzas: Xustificarase o cumprimento do capítulo VII: Regulación das condicións estéticas (art. 50 e ss.) da Normativa Urbanística do PEPRI de Bouzas (aprobación definitiva 30.09.02-BOP 11.11.02). - No caso de actuacións no ámbito do Plan Especial de Edificios a Conservar: Indicaranse os acabados (materiais, cor e texturas) que se axustarán ó regulado no artigo 8.2 Normas estéticas e de composición das normas urbanísticas do Plan especial de edificios, conxuntos e elementos a conservar, PEEC (aprobación definitiva 25.10.90-BOP 17.01.91). - Presentaranse fotografías da fachada e da contorna da edificación e, se se actúa sobre as fachadas, incluirase un plano de alzado co estado actual e reformado. Xustificarase a integración dos materiais propostos na fachada existente.
• De ser o caso
  • Certificación de conformidade coa legalidade urbanística e o planeamento aplicable
    emitida por unha entidade de certificación de conformidade municipal debidamente acreditada e inscrita no Rexistro de Entidades de Certificación de Conformidade Municipal da Comunidade Autónoma de Galicia

En edificios catalogados todas as obras están suxeitas a licenza de obra previa.

A persoa interesada queda exenta de declarar ante o Catastro Inmobiliario os feitos, actos ou negocios con relevancia catastral derivados da presente comunicación previa, por terse acollido o Concello de Vigo ao réxime de comunicación do artigo 14.b) do Texto refundido da Lei do Catastro Inmobiliario, aprobado polo Real Decreto Lexislativo 1/2004, do 5 de marzo.

• Xerencia Municipal de Urbanismo

  Praza do Rei s/n

  Teléfono: 986 810 320

  Horario: De 9:00 a 13:30 horas.

• Ordenanza municipal reguladora da tramitación das licenzas urbanísticas e outras formas de intervención administrativa 2026