Trámite para quedar exento do pago da taxa por recollida de residuos sólidos urbanos no termo municipal de Vigo, o seu transporte aos centros de eliminación e posterior tratamento.

En xeral: Estarán exentos do pago da Taxa de Lixo das vivendas que constitúan a residencia habitual do solicitante, os membros de familias con ingresos brutos anuais, per cápita, inferiores a 4.500 €, e 6.780 € para o caso de familias numerosas. Ademais, a titularidade de Bens Inmobles de Natureza Urbana, fóra da vivenda na que residen, non poderá superar un valor catastral total de 52.054 €. O ingreso bruto anual per capita calcularase dividindo a totalidade dos ingresos brutos anuais de todas as persoas que convivan nunha vivenda entre o número total daquelas.

Familias Numerosas: Deberán acompañar o título de familia numerosa vixente a 1 de xaneiro do exercicio no que producirá efectos a exención.

Persoas maiores de 65 anos: Aplicarase aos seus ingresos brutos un coeficiente redutor do 0,50 (redución do 50%).

Persoas que vivan soas: Aplicarase aos seus ingresos brutos un coeficiente redutor do 0,55 (redución do 45%).

Persoas maiores de 65 anos que vivan sós: Aplicarase aos seus ingresos brutos un coeficiente redutor do 0,35 (redución do 65%).

Vítimas de violencia de xénero con sentenza firme: Aplicarase aos seus ingresos brutos un coeficiente redutor do 0,35 (redución do 65%) nun período de 5 anos a contar desde a data da sentenza firme.

Familias Monoparentais: Obrigado ter concedido o certificado de monoparentalidade expedido pola Xunta de Galicia. Aplicarase aos seus ingresos brutos un coeficiente redutor do 0,55 (redución do 45%) se só percibe ingresos o proxenitor/a custodio/a e os fillos son menores de 18 anos.

Desempregados de longa duración: Aplicarase aos seus ingresos brutos un coeficiente redutor do 0,35% (redución do 65%), ás persoas con cargas familiares que leven en situación de desemprego máis de 22 meses ininterrompidos, a contar dende o 1 de xaneiro do ano anterior o da solicitude.

Dependentes con resolución de dependencia: Aplicarase aos seus ingresos brutos un coeficiente redutor do 0,50 (redución do 50%), con independencia do seu grado.

Dependentes maiores de 65 anos: Aplicarase un coeficiente redutor do 0,35 (redución do 65% dos seus ingresos brutos).

Dependentes maiores de 65 anos que vivan sós: Aplicarase un coeficiente redutor do 0,30 (redución do 70% dos seus ingresos brutos).

Persoas con discapacidade:

Grao igual ou superior ao 65%: computará como 2 persoas no cálculo da renda percápita.

Grao igual ou superior ao 33 e inferior ao 65%: computará como 1,5 persoas no cálculo da renda percápita.

• Impreso de solicitude de exención da taxa de recollida de lixo Ver instrucións na última folla.
• Se é inquilino da vivenda
  • Indicar o propietario da vivenda na que vive
    ou presentar o contrato de aluguer
• No caso de familias monoparentais ademais:
  • Certificado de Familia Monoparental expedido pola Xunta de Galicia
    vixente a 1 de xaneiro do ano obxecto da exención. So para o caso de fillos menores de 18 anos.
• No caso de ser vítima de violencia de xénero ademais:
  • Copia da sentenza firme onde se recolla dita situación
    non sendo ésta xustificable con ningún outro documento xudicial, e sempre e cando non tiveran transcorrido máis de 5 anos dende a data de dito documento.
• No caso de desempregados de larga duración con cargas familiares, ademáis:
  • Certificado do Servicio Público de Emprego Estatal
    Deberá xustificar a permanencia de 22 meses ininterrompidos na situación de desemprego, a contar dende o 1 de xaneiro do ano anterior ao da solicitude.
• No caso de familias numerosas ademais:
  • Título de Familia Numerosa
    Vixente a 1 de xaneiro do exercicio en que deba surtir efectos a exención.
• No caso de persoas dependentes ademais:
  • Resolución de Dependencia
    emitido pola Xunta de Galicia.
• No caso de persoas con discapacidade:
  • Resolución do grado de discapacidade e carácter desta emitido pola Xunta de Galicia
    Deberá constar o carácter e grao da discapacidade.

De presentarse algunha solicitude de exención entre o 1 de xaneiro e o 30 de setembro, será revisada e tramitada entre o 1 de outubro e o 31 de decembro, e producirá efectos para o exercicio seguinte a aquel no que fora presentada, sempre e cando os datos coincidan cos existentes co Padrón Municipal de Habitantes.

De producirse cambios de domicilio do conxunto familiar, ou cambios nas persoas que conviven na vivienda obxecto da exención, estes deberán ser comunicados no prazo máximo de 5 días hábiles. De non ser comunicados ditos cambios, arquivarase a solicitude sen máis trámite.

• Administración de Tributos: Lixo-Vivendas Concello de Vigo Praza do Rei 1 - Planta Baixa 36202 Vigo Teléfono: 986 810 173 / 986 810 100 Extensión 1348

  Horario: De 9:00 a 13:30 horas.

• Ordenanza Nº 16: Ordenanza Fiscal Reguladora das Taxas pola Recollida do Lixo

• Título de Familia Numerosa
• Pagamento da Taxa por Recollida de Lixo en Vivendas
• Certificado de Ter Pago o Recibo da Taxa pola Recollida de Lixo Vivenda
• Domiciliación da Taxa pola Recollida de Lixo Vivendas
• Impresión do Recibo para o Pagamento da Taxa pola Recollida de Lixo Vivendas
• Bonificación do 90% ou 50% do Imposto de Bens Inmobles (IBI) - Familia numerosa