As persoas propietarias de cans considerados como de raza perigosa teñen que inscribilos no concello de residencia do animal, pese a que non sexa coincidente co concello de residencia do propietario do can.

Segundo o Decreto 90/2002, do 28 de febreiro, considéranse cans potencialmente perigosos aqueles que pertenzan a calquera destes grupos:

- Os que tiveran episodios de agresións a persoas ou ataques de certa entidade a animais ou ás cousas.

- Os que foran adestrados para a garda e defensa .

- Os que manifesten unha marcada agresividade natural ou inducida mediante adestramento, malos tratos ou calquera outro medio.

- Os que pertenzan ás seguintes razas: Akita Inu / American Bully / American Stadfforshire Terrier / Bullmastif / Bull Terrier / Doberman / Dogo Arxentino / Dogo de Bordeos / Dogo do Tibet / Fila Brasileiro / Mastín Napolitano / Pitbull terrier / Presa Canario / Presa Mallorquín (Ca de Bou) / Rottweiller / Staffordshire Bull Terrier / Tosa Inu.

Antes de tramitar a inscrición do can debe tramitar a licenza para a tenza do mesmo.

As persoas maiores de idade propietarias de cans considerados coma potencialmente perigosos.

• Solicitude de Inscrición no Rexistro Municipal de Animais Potencialmente Perigosos
• Documento Acreditativo da Implantación do Microchip e Alta no REGIAC
• Cartilla de vacinación
  (datos propietario, vacinas, ...)
• Seguro de responsabilidade civil
  Póliza de seguro de responsabilidade civil onde se especifique, claramente, que o solicitante figura como asegurado na póliza e que cada animal ten unha cobertura mínima de 125.000 euros, detallando o nome do animal, o microchip e a raza. Este seguro deberase manter vixente para a validez da licenza.
• Recibo de pagamento do seguro en vigor
  Recibo de pagamento do seguro de responsabilidade civil en vigor.
• Xustificante do pagamento de taxas
  No caso de tramitación presencial, a carta de pago expídese no servizo de información xeral.
• Licenza municipal
  se foi expedida noutro concello.

A inscrición farase aos 15 días da obtención da correspondente licenza municipal. Co fin de axilizar os trámites, pode presentar a solicitude de licenza e de inscrición do animal ao mesmo tempo.

Sancións:

Segundo o disposto no artigo 19 do Decreto 90/2002, do 28 de febreiro, polo que se regula a tenza de animais potencialmente perigosos na Comunidade Autónoma de Galicia, “en materia de infraccións e sancións rexerá o disposto na lei 50/1999, do 23 de decembro, sobre réxime xurídico da tenza de animais potencialmente perigosos e na lei 1/1993, do 13 de abril, de protección de animais domésticos e salvaxes en catividade”.

Entre outras cabe citar que o artigo 13 punto 2 letras b) e c) da lei 50/1999, do 23 de decembro, considera como infraccións graves incumprir a obriga de identificar o animal e omitir a inscrición no Rexistro , tipificadas no punto 5 do devandito artigo con sancións dende 300,51 euros ata 2404,05 euros.

Informar tamén que segundo o estipulado no artigo 20 punto 3 do citado decreto “o órgano competente para sancionar por infraccións graves é o Director Xeral de Conservación da Natureza da Consellería de Medio Ambiente”.

Lembre que debe levar o seu can pola rúa ou lugares públicos do seguinte xeito:

- Con bozo axeitado, atado con cadea ou correa non extensible de lonxitude non superior a 2 metros.

- Debe levar a licenza municipal e a certificación acreditativa do animal no rexistro de animais potencialmente perigosos.

- Non pode levar máis dun destes cans ao mesmo tempo.

Preguntas frecuentes:

¿Onde se tramita a inscrición do can? No concello de residencia do animal, pese a que non sexa coincidente co concello de residencia do propietario do can. Exemplo: Se vostede vive en Vigo, tramitará a licenza en Vigo, pero se o can o ten nunha casa en Porriño, terá que inscribir ao can no Concello de Porriño.

• Rexistro Xeral Concello de Vigo
  Praza do Rei 1
  36202 - Vigo

  Horario: De luns a venres de 9:00 a 13:30 horas

• Oficina de Medio Ambiente Concello de Vigo
  Praza do Rei 1
  2º Andar
  36202 - Vigo
  Teléfonos: 986 810 210 ; 986 810 204

  Horario: De 9:00 a 13:30 horas.

• Ordenanza Municipal para a Protección e Tenza de Animais

• Decreto 90/2002 que regula a tenza de animais potencialmente perigosos de Galicia
• Corrección de erros Decreto 90/2002
• Real Decreto 287/2002, do 22 de marzo, polo que se desenvolve a Lei 50/1999, do 23 de decembro, sobre o réxime xurídico da tenza de animais potencialmente perigosos.
• Decreto 153/1998, do 2 de Abril, polo que se aproba o regulamento que desenvolve a lei 1/1993, do 13 de abril, de protección dos animais domésticos e salvaxes en catividade.
• Lei 4/2017, de 3 de outubro, de protección e benestar dos animais de compañía en Galicia
• Lei 50/1999, do 23 de decembro, sobre o Réxime Xurídico da Tenza de Animais Potencialmente Perigosos.

• Solicitude / Autoliquidación de licenza administrativa para a tenza de cans potencialmente perigosos
• Comunicación ou Notificación ao Rexistro Municipal de Animais Potencialmente Perigosos
• Solicitude de Alta no REGIAC
• Denuncias por Animais
• Solicitude / Autoliquidación de renovación de licenza administrativa para a tenza de cans potencialmente perigosos