Modificación de Datos no REGIAC
Trámite necesario para modificar ou actualizar os datos que constan no REGIAC (Rexistro Galego de Identificación de Animais de Compañía).
O propietario dun animal potencialmente perigoso deberá comunicar, calquera variación dos datos do rexistro, no prazo de 15 días desde que se producise a modificación que proceda rexistrar, excepto nos incidentes de agresión, nos que a comunicación será inmediata.
A quen está dirixido
Donos de animais de compañía e potencialmente perigosos, e veterinarios que presten asistencia sanitaria a estes animais.
Como facelo
Presencialmente
A modificación de datos deberá facerse a través do veterinario actuante que cubrirá un impreso oficial de identificación, por triplicado, achegado pola Dirección Xeral de Conservación da Natureza da Consellería de Medio Ambiente (tamén dispoñible nesta páxina). O propietario do animal identificado deberá recibir do veterinario actuante un exemplar do impreso oficial. O veterinario actuante conservará no seu poder outro exemplar do impreso. O terceiro exemplar deberá ser remitido polo veterinario ao Rexistro Galego de Identificación de Animais de Compañía e Potencialmente Perigosos.
Documentación requirida
Observacións
A modificación de datos debe ser realizada por veterinarios actuantes do REGIAC, autorizados pola Consellería de Medio Ambiente (para obter información sobre veterinarios actuantes pode poñerse en contacto co teléfono de información do REGIAC: 988 60 30 75 ).
Lexislación relacionada
- Orde do 5 de xullo de 2004 pola que se crea o ficheiro de datos de carácter persoal que conforma o Rexistro Galego de Identificación de Animais de Compañía e Potencialmente Perigosos da Comunidade Autónoma de Galicia.
- Decreto 153/1998, do 2 de Abril, polo que se aproba o regulamento que desenvolve a lei 1/1993, do 13 de abril, de protección dos animais domésticos e salvaxes en catividade.
- Lei 50/1999, do 23 de decembro, sobre o Réxime Xurídico da Tenza de Animais Potencialmente Perigosos.
- Decreto 90/2002 que regula a tenza de animais potencialmente perigosos de Galicia
- Corrección de erros Decreto 90/2002
- Real Decreto 287/2002, do 22 de marzo, polo que se desenvolve a Lei 50/1999, do 23 de decembro, sobre o réxime xurídico da tenza de animais potencialmente perigosos.
Trámites relacionados
App móbil Vigo
Información da cidade (transporte, axenda, recursos, ...), trámites, ofertas de emprego,...
Concello de Vigo (Servizo de Administración Electrónica)
Praza do Rei 1 - 36202 - Vigo (Pontevedra) - Teléfono: 010 - 986810100
