Estarán exentos os bens que se destinen ao ensino por centros docentes acollidos, total ou parciamente, ao réxime de concerto educativo, en canto á superficie afectada ao ensino concertado.

Centros docentes acollidos, total ou parciamente, ao réxime de concerto educativo.

• Copia do concerto educativo
• Impreso de solicitude exención do IBI para centros docentes Pode consultar a Referencia Catastral no recibo do Imposto de Bens Inmobles, na oficina virtual do catastro e nos puntos de información catastral do Concello .

Os concertos educativos teñen por obxecto garantir a impartición da educación básica obrigatoria e gratuíta en centros privados, mediante a asignación de fondos públicos destinados a este fin pola Administración.

Os centros privados que, en orde á prestación do servizo de interese público da educación e á liberdade de elección de centro, impartan os ensinos declarados gratuítos na Lei Orgánica de Educación, poderán acollerse ao réxime de concertos sempre que así o soliciten e reúnan os requisitos previstos nas leis educativas. Para ese efecto, os citados centros deberán formalizar coa Administración educativa que proceda o pertinente concerto.

O concerto educativo obriga ao titular do centro privado a impartir gratuitamente os ensinos do concerto e á Administración a destinar fondos públicos para o sostemento dos centros. De acordo con Lei Orgánica 2/2006, de 3 de maio, de Educación, os ensinos declarados gratuítos están referidos ao segundo ciclo da Educación Infantil e ao ensino básico que comprende a Educación Primaria e a Educación Secundaria Obrigatoria.

• Oficina do I.B.I. Concello de Vigo Administración de Tributos - Departamento de I.B.I. Planta Baixa Praza do Rei 1 36202 Vigo Teléfono: 986 810 116 / 986 810 100 Extensión 1347

  Horario: De 9:00 a 13:30 horas.

• Ordenanza Nº 02: Ordenanza Fiscal Reguladora do Imposto sobre Bens Inmobles

• Real Decreto 2187/1995 do 28 de decembro polo que se determina o alcance e a concesión da exención sobre o imposto de bens inmobles aos centros educativos concertados

• Pagamento do Imposto de Bens Inmobles (IBI)