Os titulares catastrais de locais de uso distinto á vivenda tributan, no caso de locais pechados ou sen uso, cunha cota mínima de disponibilidade do servizo en contía igual á tarifa de vivenda (Artigo 1.2. da Ordenanza).

Estes titulares deberán comunicar ao Concello os arrendamentos daqueles, para causar baixa como suxeitos pasivos da taxa do lixo-industrial (EUI), ao tempo que causará alta o titular da actividade económica desenvolvida no local.

Aos titulares catastrais de locais de uso distinto a vivenda cando asinen un contrato de arrendamento do local.

• Impreso de comunicación de arrendamento de local para actualización padrón lixo industrial
• Copia do contrato de arrendamento

A comunicación do arrendamento implicará a baixa do propietario como suxeito pasivo no propio exercicio económico no que se formule, se aquela fose presentada nos tres primeiros meses do exercicio. Noutro caso a baixa causará efectos para o exercicio seguinte.

• Oficina I.A.E.-E.U.I. Administración de Tributos - Departamento de I.A.E.-E.U.I.
  Planta Baixa
  Praza do Rei 1, 36202 Vigo.
  Teléfono: 986 810 313
  E-mail: ofi.iae@vigo.org

  Horario: De 9:00 a 13:30 horas.

• Texto refundido da Lei do Catastro Inmobiliario aprobado por Real Decreto Lexislativo 1/2004, de 5 de marzo