Todo acto de recoñecemento e liquidación da obriga basearase en documento ou documentos que acrediten o dereito de terceiro-acredor ao correspondente pago, deberá estar unido aquel ou aqueles ao expediente que se tramite para o efecto, considerándose como xustificativos, entre outros, as facturas de provedores.

As facturas, a presentar no Concello de Vigo, deberán conter os seguintes datos:

a) Identificación do expedidor, e particularmente o NIF ou CIF.

b) Servizo ou dependencia municipal que efectuou o encargo.

c) Número de factura.

d) Data da súa expedición.

e) Traballos ou subministracións que se facturan.

f) Prezo unitario ou total, en todo caso, coa descomposición dos servizos e prezos.

g) Impostos que procedan, con indicación do tipo de gravame e a cota resultante.

h) No caso de coñecelo, número de expediente.