Durante a época de perigo baixo de incendios, publicado pola Consellería de Medio Rural da Xunta de Galicia, , o Concello de Vigo autorizará con carácter xeral ditas queimas sempre e cando se cumpran as seguintes obrigas:

1. Cumprimentar o Impreso de Solicitude Xeral do Concello de Vigo de xeito presencial ou telematico.

2. Prohibicións xerais do Bando Municipal de Autorización de queimas.

3. Cumprimento das instrucións básicas de prevención de queimas que serán entregadas durante a revisión da zona polo SPEIS de Vigo.

4. Sen prexuízo do disposto no apartado anterior, de acordo co sinalado nos artigos 34 e 35 da Lei 3/2007, do 9 de abril, de prevención e defensa contra os incendios forestais de Galicia, modificada pola Lei 7/2012, do 28 de xuño, de montes de Galicia, para realizar traballos en terreos agrícolas, terreos forestais e zonas de influencia forestal nos que sexa imprescindible facer uso do lume, e sempre fóra da época de perigo alto de incendios, será obrigatorio dispoñer da correspondente comunicación ou autorización de queima da Xunta de Galicia.

Interesados en realizar queimas de restos vexetais no termo municipal de Vigo.

As solicitudes, debidamente cumprimentadas, e a documentación necesaria, deberán presentarse como mínimo con 7 días laborais de antelación a queima.

• Impreso de Solicitude Xeral do Concello de Vigo
• Plano de situación de escala 1:1000 ou 1:2000 da cartografía oficial
  Deberá sinalar no plano o lugar da queima. Este plano pódese conseguir na Xerencia Municipal de Urbanismo (con oficina en Praza do Rei) ou na Oficina Virtual do Catastro.
• Plano de localización
  en Google maps ou similar.

Consecuencias dos defectos nas solicitudes:

1. A inexistencia ou deficiencia dos requisitos materiais, suporá o requirimento por parte da Área para a súa cumprimentación no prazo de dez días. Transcorrido dito prazo, entenderase o desistimento da solicitude e procederase ao arquivo do expediente.

2. As solicitudes de autorización presentadas de xeito extemporáneo, ou que non cumpran cos requirimentos de cumprimentación, e as solicitudes de queima en lugares prohibidos, non recibirán en ningún caso autorización, e darase parte á Policía Local para verificar que non se proceda á queima non autorizada.

Exención de responsabilidade:

1. A autorización outorgada non eximirá ao promotor da queima das responsabilidades en que incorrese, no caso de que concorra culpa ou neglixencia.

2. O Concello de Vigo resérvase o dereito a repetir contra o promotor os custos que eventualmente se lle xeneren por causa ou como consecuencia da queima.

Revisión do contido do Bando:

O Bando Municipal de autorización de queimas, deberá ser revisado anualmente, aos efectos de cumprir coa normativa que ulteriormente se adopte en desenrolo da Lei 3/2007, de 9 de abril, de Prevención e Defensa contra os Incendios Forestais de Galicia.

A todos os efectos, a aprobación de normativa de desenvolvemento da Lei 3/2007 que sexa incompatíbel co presente Bando será de aplicación preferente sobre o mesmo.

• Extinción de Incendios e Salvamento Urxencias: 080 ; 986433333
  
  Parque Balaídos:
  Centralita 986233102
  Xefatura 986233041
  
  Parque Teis:
  Centralita 986373713 ; 986373773
  Email ofi.bombeiros@vigo.org

• Lei 3/2007, do 9 de abril, de prevención e defensa contra os incendios forestais de Galicia

• Autorización Municipal para Realizar Disparos ou Queimas de Material Pirotécnico en Contía Menor de 50 kg.