Pagamento da Taxa por Recollida de Lixo en Vivendas
Pago da taxa de prestación de servicio de recepción obrigatoria, a recollida de residuos sólidos urbanos no termo municipal de Vigo, o seu transporte ós centros de eliminación e posterior tratamento.
A quen está dirixido
Entenderase de recepción obrigatoria o servicio prestado a tódalas vivendas que estean en condicións de habitabilidade con independencia de que estean ou non habitados.
Considéranse, a efectos desta ordenanza, residuos sólidos urbanos, os residuos procedentes de vivendas, edificios, centros públicos e privados sen excepción ningunha; os mobles, enseres e trastos inútiles.
Como facelo
Por Internet
Este servicio permítelles aos cidadáns pagar os recibos das taxas e impostos municipais mediante o uso do pagamento electrónico a través de Internet:
1. Cubra os campos baleiros marcados en gris (emisora, referencia, identificación e importe) copiando exactamente os datos que aparecen escritos no recibo que se lle enviou á casa.
2. Comprobe os datos do recibo e inicie o pagamento a través da pasarela segura de Abanca facendo uso da súa tarxeta de crédito.
Presencialmente
So para os solicitantes non obrigados a relacionarse telemáticamente coa administración (pode consultar os solicitantes obrigados a relacionarse coa administración de maneira electrónica).
Se non ten o pago domiciliado pode realizar o pagamento en calquera das entidades bancarias indicadas na carta de pago ou recibo. Debe facer o ingreso na entidade bancaria dentro do prazo de tempo que se establece cada ano.
Sancións
En todo o relativo a Infraccións tributarias e ás súas cualificacións, así como ás sancións que correspondan, estarase ó disposto na Ordenanza Fiscal Xeral, Lei Xeral Tributaria.
Observacións
As altas no Padrón da taza de lixo-vivendas produciranse a partir da información contida no Catastro Inmobiliario.
A efectos da aplicación das taxas reguladas na ordenanza, as actuacións dos Servizos de Xestión e Inspección Tributarias do Concello complementarán e/ou corrixirán os datos contidos no Catastro Inmobiliario nos casos de omisión do Ben Inmoble no rexistro catastral, ausencia de división horizontal e outros casos.
Oficinas
-
Tesouraría - Recadación
Concello de Vigo Planta baixa Praza do Rei 1 36202 Vigo
Teléfonos: 986 810 133; 986 810 126; 986 810 275
E-mail: ofi.voluntaria@vigo.orgHorario: De 9:00 a 13:30 horas.
Normativa Municipal
Trámites relacionados
- Certificado de Ter Pago o Recibo da Taxa pola Recollida de Lixo Vivenda
- Impresión do Recibo para o Pagamento da Taxa pola Recollida de Lixo Vivendas
- Exención da Taxa de Recollida de Lixo de Vivendas
- Domiciliación da Taxa pola Recollida de Lixo Vivendas
- Certificado de non ter débedas pola taxa de recollida de Lixo Vivenda
App móbil Vigo
Información da cidade (transporte, axenda, recursos, ...), trámites, ofertas de emprego,...
Concello de Vigo (Servizo de Administración Electrónica)
Praza do Rei 1 - 36202 - Vigo (Pontevedra) - Teléfono: 010 - 986810100
