Esta convocatoria de subvencións, realizada pola Concellaría de Participación Cidadá e Distritos, aprobada pola Xunta de Goberno Local na súa sesión ordinaria do 25/10/2024, ten por obxecto a concesión, en réxime de concorrencia competitiva, de axudas económicas ás Asociacións de Veciños e Sociedades Culturais, entidades sociais, asistenciais, culturais, festivas e de lecer, peñas recreativas, de promoción e defensa de valores, étnicas e relixiosas, sen ánimo de lucro, constituídas legalmente como tales e inscritas nos epígrafes correspondentes do Rexistro Municipal de Asociacións, para o desenvolvemento de actividades e programas de interese xeral. Están dirixidas a fomentar o asociacionismo e a participación cidadá, co fin de reforzar a capacidade de autoorganización das entidades asociativas e posibilitar o fortalecemento do tecido social e a promoción de calidade de vida e benestar social da cidadanía. Consideranse gastos subvencionables, os realizados dende o 17 de outubro de 2023 ata o 15 de outubro de 2024, que se encadren nalgún dos seguintes programas:

• Programa I: Gastos derivados de actividades de montaxe e desmontaxe de instalacións cubertas ou estruturas mobles similares, sempre que non impliquen cesión a terceiros onde realicen nelas actividades mercantís ou comerciais.

• Programa II: Gastos de organización de xogos populares.

• Programa III: Gastos para o deseño e impresión de publicacións.

• Programa IV: Gastos derivados do alugueiro de local social (base impoñible + IVE) e/ou doutros inmobles con carácter puntual, cando resulten necesarios para o desenvolvemento dos seus fins e obxecto social.

Poderán concorrer a esta convocatoria pública as entidades que figuren inscritas nos seguintes epígrafes do Rexistro Municipal de Asociacións:

Programa I: Gastos derivados de servizos de montaxe e desmontaxe de instalacións cubertas ou estruturas mobles similares, sempre que non impliquen cesión a terceiros onde realicen nelas actividades mercantís ou comerciais, por mor da organización de actos sociais e encontros veciñais no termo municipal de Vigo, celebrados por entidades sociais e asistenciais, culturais, festivas e de lecer, asociacións de veciños e sociedades culturais e recreativas, inscritas nos seguintes epígrafes do Rexistro Municipal de Asociacións (RMA, en adiante):

1. Asistencial e saúde

2. Cultura e Arte

3.2 Festivas e de lecer

10.1 Asociacións veciñais

10.5 Sociedades Culturais, Recreativas e Deportivas

Programa II: subvencións para financiamento da organización de competicións de xogos populares promovidos no termo municipal de Vigo por entidades festivas e de lecer, peñas recreativas, asociacións de veciños e sociedades culturais e recreativas, que se encadren nalgunha das seguintes liñas de axudas:

                  a) Competicións de xogos populares de ámbito internacional, nacional, autonómico, inscritas no Rexistro Municipal de Asociacións nos seguintes epígrafes do RMA:

3.2 Festivas e de lecer

3.3 Xogos sociais (peñas recreativas)

10.1 Asociacións veciñais

10.5 Sociedades Culturais, Recreativas e Deportivas

                  b) Competicións de xogos populares de ámbito municipal consolidado (máis de 40 edicións), inscritas no Rexistro Municipal de Asociacións nos seguintes epígrafes do RMA:

3.2 Festivas e de lecer

3.3 Xogos sociais (peñas recreativas)

10.1 Asociacións veciñais

10.5 Sociedades Culturais, Recreativas e Deportivas

Programa III: subvencións para o deseño e impresión de publicacións promovidos por entidades, que se encadren nalgunha das seguintes liñas de axudas:

                  a) Subvencións para o deseño e impresión de libros sobre a historia das distintas parroquias no termo municipal de Vigo promovidos por asociacións de veciños e sociedades culturais e recreativas, inscritas nos seguintes epígrafes do Rexistro Municipal de Asociacións (RMA, en adiante):

10.1 Asociacións veciñais

10.5 Sociedades Culturais, Recreativas e Deportivas

                  b) Subvencións para o deseño e impresión de libros e publicacións relativos a festas no termo municipal de Vigo promovidos por asociacións festivas e de lecer, asociacións de veciños e sociedades culturais e recreativas, inscritas nos seguintes epígrafes do Rexistro Municipal de Asociacións (RMA, en adiante):

3.2 Festivas e de lecer

10.1 Asociacións veciñais

10.5 Sociedades Culturais, Recreativas e Deportivas

Programa IV. Subvencións para contribuir ao desenvolvemento de actos sociais de promoción de valores (paz, solidariedade, dereitos humanos, liberdade ideolóxica, relixiosa e de culto, tolerancia, amizade) no termo municipal de Vigo celebrados por entidades inscritas no seguinte epígrafe do RMA:

6.6: Valores, étnicas e relixiosas

• (SFPC2024) ANEXO I. Solicitude
• (SFPC2024) Certificación obrigatoria
• (SFPC2024) ANEXO II. Programa de actividades para o ano 2024
• (SFPC2024) ANEXO III. Orzamento dos programas subvencionables
• (SFPC2024) ANEXO IV. Declaración responsable de cumprimento dos requisitos
• (SFPC2024) ANEXO V. Declaración responsable das axudas solicitadas e/ou concedidas
• (SFPC2024) ANEXO VI: Autorización expresa á consulta e verificación de datos
• (SFPC2024) ANEXO VII Publicidade corporativa Descargar modelos cartelería

• Oficina do Servizo de Participación Cidadá Concello de Vigo Praza do Rei 1 - Planta 2ª Teléfonos: 986 810 157 / 986 810 290 Fax: 986 810 263

  Horario: De 9:00 a 13:30 horas.

• (SFPC2024) Bases reguladoras