Os Puntos de Información Catastral son oficinas autorizadas pola Dirección Xeral do Catastro ubicados en distintas Organizacións Públicas e Institucións, fundamentalmente en Concellos, onde a cidadanía pode acceder á información catastral.

Os servizos aos que se pode acceder dende o Punto de Información Catastral do Concello de Vigo son os seguintes:

- Consulta e certificación de datos catastrais protexidos, polas persoas titulares catastrais, os seus representantes ou persoas autorizadas por elas.

- Certificación negativa de bens inmobles ou da circunstancia de non figurar como titular catastral

- Notificación de acordos catastrais, tanto por comparecencia electrónica (con clave concertada), como por comparecencia presencial.

- Consulta e certificación de datos catastrais protexidos polas persoas titulares catastrais das parcelas colindantes, titulares ou cotitulares de dereitos reais, de arrendamento e aparcería, así como heredeiros e sucesores (nos termos do artículo 53.1 c) d) e) do texto refundido da Lei do Catastro Inmobiliario).

- Recepción, dixitalización e presentación de escritos e documentación relativa aos procedimientos catastrais

- Calquera outros servizos de consulta e certificación que se implanten no futuro, nos termos da Resolución que se dite ao efecto.

Ten a consideración de datos protexidos o nome, apelidos, razón social, código de identificación e enderezo das/os que figuren inscritos no Catastro Inmobiliario como titulares, así como o valor catastral e os valores catastrais do solo e, no seu caso, da construción, dos bens inmobles individualizados.

Servizo de consulta e certificación electrónica dos datos catastrais protexidos: As persoas titulares catastrais, así como as suas representantes, poderán, desde calquera Punto de Información Catastral, acceder aos datos protexidos dos bens inmobles da súa titularidade que figuren na Base de Datos Nacional do Catastro.

• NIF, NIE ou pasaporte da persoa solicitante
• No caso de representación ou autorización, ademáis:
  • Modelo de autorización do titular catastral
  • NIF, NIE, Pasaporte
    do titular catastral.
• No caso de herdeiros ou sucesores
  • Acreditación de tal condición
    a documentación que xustifique a condición de herdeira/o (neste caso non está permitida a autorización a terceiros, salvo representación legal).

• Oficina de Xestión Catastral Delegada do Concello de Vigo Praza do Rei nº 1 pranta baixa - 36202 Vigo ofi.xcatastral@vigo.org Teléfono: 986 810 201

  Horario: De luns a venres de 9 a 13:30.

• Oficina de Xestión Tributaria-IBI do Concello de Vigo Praza do Rei nº 1 pranta baixa, 36202 Vigo
  Email: ofi.ibi@vigo.org. Teléfono: 986 810 116

  Horario: De luns a venres de 9 a 13:30