Os obrigados tributarios poden formularlle á Administración Municipal consultas debidamente documentadas, en relación ó réxime, á clasificación ou á cualificación tributaria que en cada caso lles corresponda.

Poderán formular consultas tributarias os obrigados tributarios.

Así mesmo, tamén poderán realizar este tipo de consultas os colexios profesionais, cámaras oficiais, organizacións patronais, sindicatos, asociacións de consumidores, asociacións ou fundacións que representen intereses de persoas con discapacidade, asociacións empresariais e organizacións profesionais cando se refiran a cuestións que afecten á xeneralidade dos seus membros ou asociados.

A Administración Municipal deberá contestar ás consultas efectuadas nun prazo máximo de seis meses.

• Impreso de Solicitude 2 copias
• Documentación Complementaria
  Toda aquela documentación relacionada coa súa consulta para poder darlle solución.

1. A contestación as consultas tributarias escritas terá efectos vinculantes para o órgano encargado da aplicación dos tributos na súa relación co consultante no seguinte sentido:

Mentres non se modifique a lexislación ou a xurisprudencia aplicable ao caso, aplicaranse ao consultante os criterios expresados na contestación e sempre que non se tiveran alterado as circunstancias e datos recollidos no escrito da consulta.

Aplicaranse os criterios contidos nas consultas tributarias escritas a calquera obrigado, sempre que exista identidade entre os feitos e circustancias de dito obrigado e os que se incluan na constestación á consulta.

2. A competencia para contestar as consultas establecidas neste precepto corresponderalle a Xunta de Goberno, sen que caiba recurso ningún contra a contestación e sen prexuízo de que poida emprenderse aquel contra o acto ou actos administrativos dictados de acordo cos criterios manifestados nas mesmas.

• Ordenanza Nº 01: Ordenanza Fiscal Xeral
• Anexo da Ordenanza Fiscal General